Corona Update: ભારતમાં કોરોનાના દર્દીઓ 80 લાખને પાર, જો કે સતત વધી રહ્યો છે રિકવરી રેટ

નવી દિલ્હી: ભારતમાં છેલ્લા 24 કલાકમાં કોરોના વાયરસ (Corona Virus) ના નવા 49,881 કેસ નોંધાયા છે. આ સાથે જ કુલ કેસનો આંકડો 80,40,203 પર પહોંચી ગયો છે. જેમાંથી 6,03,687 દર્દીઓ હજુ પણ સારવાર હેઠળ છે. જ્યારે 73,15,989 દર્દીઓ સાજા થઈ ગયા છે. એક જ દિવસમાં 517 લોકોએ જીવ ગુમાવ્યા. દેશમાં કોરોનાથી મૃત્યુ પામનારાની સંખ્યા 1,20,527 થઈ છે. 

સ્વાસ્થ્ય અને પરિવાર  કલ્યાણ મંત્રાલયના ડેટા મુજબ દેશમાં રિકવરી રેટ 90.99 ટકા થયો છે જ્યારે મૃત્યુદર 1.50 ટકા છે. મહારાષ્ટ્રમાં સૌથી વધુ કોરોનાના કેસ નોંધાયા છે. જ્યાં 16,60,766 કોરોના દર્દીઓ જોવા મળ્યા છે. જ્યારે 43,554 લોકોએ કોરોનાથી જીવ ગુમાવ્યા છે. ત્યારબાદ આંધ્ર પ્રદેશ, કર્ણાટક, તામિલનાડુ, ઉત્તર પ્રદેશ, અને દિલ્હીનું સ્થાન છે.